2018年11月25日星期日

12日買到破產摩洛哥@Day10-12 Asilah>Casablanca>Hong Kong

日期:13/10/2018-24/10/2018
行程:Casablanca> Marrakesh> Essaouira> Kasbah Ait Ben Haddou‌> Dadès Valley> Merzouga Desert> Todra Gorge> Mosque> Azrou> Ifran> Fes> Chefchaouen> Asilah
 
為咗個天台靚景住咗Dar Sababa,好可惜天台裝修緊比較嗱咋。但係個早餐就一d都唔嗱咋wor!同之前幾日食嘅好唔同,似食緊油炸鬼,仲有煎蛋tim啊!
今日係最後一日坐呢駕咁舒服嘅車,由Chefchaouen去海邊城市Asilah,都要3個幾鐘嫁。
除咗係司機口中得知Asilah呢度d旗魚好食,仲有呢邊好有藝術氣息。


 
安靜、遊客少、又有地中海風情。
我地欠缺一位model
見到呢片北大西洋就知道有海鮮食啦!!為答謝司機嘅辛勞(雖然佢有錢收:3)我地請埋佢一齊食海鮮午餐。
海鮮未黎到,梗係要點返枝摩洛哥白酒,我地由Ifran去 Fes途中曾經過嘅一個產酒區。酒唔係非常好飲,都唔係超平,係伊斯蘭教嘅國家,有酒已經難得。
一大盤海鮮併盤+旗魚+魷魚。旗魚係呢度食感覺比Essaouira果度食好食d,肉質比較實同埋有魚香。係咪無咗龍蝦嘅影響我地終於留意到佢呢?
魷魚新鮮、好食、彈牙,要再翻點嘅美食。係咁食食食食到司機都無眼睇,怕咗我地😂
Asilah返去Casablanca開車大約4個幾鐘,司機話送完我地返機場酒店,佢要連夜趕返最北面嘅Tanja,因為聽朝一早佢要接由直布羅陀坐船過黎嘅客人。聽到都覺辛苦,仲要開5-6個鐘車行回頭路😨😨😨😨
好有當年大家去working holiday嘅感覺,最後一餐自己買餸享利仔煮,超平超低幾十蚊搞掂。airbnb訂間屋好大、有電視、有wifi、有幾間房,仲有好多蚊,咬到我變豬頭😭

BYE BYE摩洛哥!我地坐8點幾機飛返阿布扎比轉機,轉機係一件平平無奇嘅事。但~~發生咗嚇到寶寶都不行了嘅相機+passport遺留事件!!阿菜唔記得拎相機袋,仲有passport係入邊。翠絲多次追問地勤都拎唔到。我地上曬機,好彩因為機場要求delay,係呢最後5分鐘,阿菜終於執返個相機袋+passport,趕得切上飛機。


2018年11月19日星期一

12日買到破產摩洛哥@Day9 Chefchaouen

日期:13/10/2018-24/10/2018
行程:Casablanca> Marrakesh> Essaouira> Kasbah Ait Ben Haddou‌> Dadès Valley> Merzouga Desert> Todra Gorge> Mosque> Azrou> Ifran> Fes> Chefchaouen> Asilah
網上評價好嘅早餐,但係我地食到個口同胃都無福消受,實在太乾太硬嘅餅。
 
路過家樂福,我地又要求停車入去買買買,司機好疑惑我地去超市有咩買。
 
唔好食咁飽,再次上路唔會頂住頂住想嘔。我地坐大約4-5小時車就到藍色山城Chefchaouen。沿途我地經過一d唔出名嘅景點,司機都會停低比我地影相、休息、(又)買野。如果唔係入到鄉鎮,摩洛哥好多地都係荒莫,草樹都唔多,所以呢個湖都可以算係景點之一吧!?
 
因為路上講開邊度買靚橄欖油,司機再次好奇我地呢班友仔,佢話橄欖油成個摩洛哥都係嫁啦~行開行埋都搵到靚。就係咁經過一條村,司機就帶我地睇百年橄欖老樹和搾油機。

10月份唔係收成季節,只能睇下未熟橄欖。無得買新鮮搾嘅油。
經過無名小村有是日market,聽日就去第二條村嫁啦!司機搵位泊車都有困難,行咗個圈market都幾大,有好多二手衫褲鞋貨品、薄荷葉、大粒棗子、乾無花果、糧油雜貨等。
 
為咗想睇住呢個藍色山城食早餐而訂呢間Hostel,點知天台裝修緊。
 
 
話咁快時間又過去咗,我地把握最後時間向山上清真寺衝,睇埋日落!事後發現藍色山城嘅霧海日出係好靚,只可惜我地無時間再留......
少咗阿菜隻腳👀👀
黎到呢度,我覺得開始疲倦,無心機影相寫postcard,藍色山城對我嘅震撼度都唔夠大,可能已經睇慣咗。
話說晚餐我地諗住食trip advisor高評分嘅意大利pizza餐廳,點知我地又明顯被歧視。餐廳好多人等位,朋友入去問係咪要預訂,要等幾位等,都得唔到待應任何回應。旁邊等緊位嘅外國人話比我地知,佢地等緊餐廳入面嘅位,我地唔介意坐外邊張炲,而家都可以入座。我地再入餐廳查詢,待應做出一個笑而不言請我出門口手勢。
 
無心插柳食咗間中國菜,真係久違咗嘅麻辣味,仲有酸辣土豆絲。味道好正宗!

2018年11月17日星期六

12日買到破產摩洛哥@Day8 Fes

日期:13/10/2018-24/10/2018
行程:Casablanca> Marrakesh> Essaouira> Kasbah Ait Ben Haddou‌> Dadès Valley> Merzouga Desert> Todra Gorge> Mosque> Azrou> Ifran> Fes> Chefchaouen> Asilah
早餐最有view嘅酒店莫過於係Dar Borj天台,而且無蜜蜂。
約咗local guide 9點正見面,我地遲咗10分鐘左,落到大堂已經見到一個好高大好似star war嘅絕地武士坐咗係度。
個樣同件長胞都有八成似佢,就差在無咗把激光劍☝☝☝😂
我地未出發已經比絕地武士迷住,由其係唔出聲嘅阿菜都話佢好正,件衫又好靚。住宿隔離就係Bab Bou Jeloud,我地叫佢做blue gate,12世紀開始使用為老城區嘅重要防禦,以前係黃昏會關門,直到早上先再開城。城外邊牆係藍色,城內牆係綠色。
絕地武士好專業及有計劃地帶我地睇景點,而且仲識好多野。翠絲問開阿甘油、橄欖油質素,佢仲介紹埋摩洛哥最珍貴嘅仙人掌籽油。話說要8噸仙人掌果,先提取到1kg油。係香港見到50ml要差唔多1千蚊,真係好貴!
 
Medersa Bou Inania古蘭經學校
Souk el Henna有好多好靚好抵買嘅手信,只係幾蚊港幣一個。絕地武士好好咁幫我地計數,驚我地比人呃。
摩洛哥經常見到嘅水源,當地人會黎裝水,話呢邊嘅水可以就咁飲,飲用嘅人仲會受到祝福。但係安全起見我地都係飲樽裝水。
呢間舖賣D野好岩我口味,但係價錢一D都唔平。翠絲買咗個千幾蚊嘅盒,係用駱駝骨配珍珠殼併花紋,非常精美。我就只係睇下好啦,帶黎嘅錢所剩無幾。
我地咁鐘意絕地武士係有原因,佢問我地知唔知呢間舖賣乜?諗咗好一陣都估唔到,原來係賣屋,我好鐘意D咁古老嘅鎖匙,如果我都有返間14世紀嘅古老大宅就好啦😂
摩洛哥式massage,幾驚入咗去要消費先走得,好彩好多都係可以參觀,睇下影下相就走。如果無跟guide諗唔會夠膽入去人地舖搞完一輪就走。
massage老闆介紹舖頭D門設計無重複,佢話摩洛哥全部野都係獨特。係唔係嫁😏
絕地武士知道媔娜同享利仔之後會結婚,所以順路介紹埋當地傳統嘅結婚用品同婚紗。新娘會坐係花橋上,由4個人枱住佢係宴會上巡遊。Moroccan Takchita 係傳統女性服裝,於慶典或婚禮會著。由兩件組成,內層稱為“Tahtia”,通常係精美但無裝飾華麗嘅織物。外層有刺繡、珠片,使用傳統sfifa和akaad扣著,叫做“Dfina”。
Fes舊城區嘅路錯綜複雜,由出Raid果一刻開始我已經迷失係呢個精彩嘅迷宮,經過又細又窄又人多嘅小巷,仲要出現摩洛哥常見交通工具-驢仔,佢背著d好臭嘅貨物行窄巷,絶地武士話呢d係未處理好嘅皮革。真係辛苦工!
兜兜轉行到黎Place Seffarine,呢度有好多金屬製品,主要係銅製煲、托盤。
市場中心仲有人係度揼銅片,揼出佢地要製作嘅產品外形,引黎好多遊客影相圍觀。
摩洛哥style 糕點個個都話好甜,其實食2-3件都還可以接受,配杯americano或中國茶係好正。佢地d糕點都離唔開蜜糖、杏仁粉、椰絲、糖霜、各款果仁。我好buy!
 
染布紡,味道有d強烈,可以睇下當地人染布,呢條街無乜特別,順路經過到此一遊就好。
  
所有景點都好順咁一路行,大家血併完買咗銅燈、珍珠殼骨盒後,黎到Chouara Tannery皮革廠。
天氣清涼、乾燥令臭味減弱,我地都覺得唔係網上d人講咁臭。我買咗對皮鞋返到又濕又熱嘅香港,果陣屎臭味先黎料。
入皮革廠前會送片多到唔洗錢咁嘅薄荷葉。
摩洛哥建築外表有政府嚴格規定,唔可以豪華浮誇,連招牌都唔多大個。唔講唔覺呢間係公共烤爐,話入邊d員工係最清楚每家人發生咩事,比如有嫁娶、白事、開party定係生仔,都可以從拎黎烤焗嘅野嘅數量及款式估計得到。
Lunch time 介紹我地去咗一間由絶地武士嘅朋友開嘅餐廳,入邊好靚好高級,雖然餐餐食得咁豪,有違backpacker嘅理念,只不過一場黎到唔係淨係食街邊嘢嫁嘛!呢餐豪華餐大約港幣200一位,係當地黎講好貴,但同香港比較係好抵食。
打咭、呃like值好高,食物都好岩口味。
 
有貴族feel嘅lunch,成個行程係得呢餐送最多前菜及水果,多到我地食唔曬。
 
買咗個塔吉窩返香港,我細佬叫佢做奇怪的窩,我地點咗一定無死錯嘅咸檬燜雞和大棗燜牛。呢間係好食,而唔係呃遊客嘅煲湯料質素。
串燒和Pastilla,Pastilla似係白汁雞肉放係薄皮烤焗,撒上糖粉,又咸又甜都幾得意,一個人食曬會少少滯。
穩閉嘅餐廳門口,無人帶唔知係食野😀

食完飯時間岩岩好,黎睇限時皮草交易現場!每星期得幾日,每日得幾個鐘,賣曬就散水。呢D就係我地想睇下嘅真實版摩洛哥。
 
左邊嘅皮未賣,所以要打開比客睇到品質。右邊賣咗,就摺埋。最高品質嘅皮會見到係黃黃地色,已經一早比人買起咗。而家淨返D有洞品質差嘅仲未賣曬。
 
行程大出血之地,我地買咗2張人手織嘅地毯,佢地會一張張咁打開比我地睇,而且都係獨一無二,可以話係一件藝術品。我地睇中其一張地毯嘅用色同花紋好靚,想要細張d,但其他尺寸就係唔岩心水,色差dd、花紋差dd,佢地話每張都係唔同師父織,好難copy得返一樣
專業打包,由大大張包到細細件,唔知點解比想像中輕。
 
主力賣頸巾嘅雜貨店,又何包出血tim
 
 
我地行黎行去應該都只係圍繞住兩個市集,其中一個係Fondouk Tsetouanien,唔知係咪下午黎到D人放曬工,感覺比較冷清
 
絶地武士介紹過好幾秒呢個摩洛哥式搭棚,除咗聽得明係修繕,其他英文句子都好深聽唔明😅
 
路過見到好靚嘅黑色陶器定係金屬呢?仲有連司機都話肉酸唔食嘅蝸牛。
黎到呢度已經係5點幾,我地仲緊張要去買塔吉窩、買傳統甜點、睇日落,絶地武士好冷靜咁話無問題。呢間係摩洛哥傳統藥粧,連台灣有個咪咪胸嘅名模都黎過。我主要去買通鼻藥比阿媽,佢成日話個鼻唔舒服,即管試下有無效。佢地用紗布包住薄荷晶混合咗某樣黑色粉,係手按摩溫暖咗,放係鼻前吸一下。哇~陣味超勁!話有助通鼻塞、減少鼻寒,總之同鼻有關嘅問題都ok。菜嘅鼻寒好勁,幾晚都嘈醒咗我地,所以佢都一齊買咗包睇下有無用。
市集最後一站,絶地武士推介糕點舖。真係好趕,唔得閒影相~一路行一路食啦!
 
遠離舊城區15分鐘左右車程,生產陶瓷工場,專為青年人提供培訓,教返門手藝比佢地維生。我地分別買咗塔吉窩、杯、碟。
太陽同摩洛哥人一樣,收工唔等人,我地好趕咁又上返車,係last minutes到逹古舊城牆上影夕陽餘暉,真係完美行程,如果有多一日就好啦!
緣份有時係好得意,絶地武士帶我地拎行李,安全送我地到今晚嘅Raid,佢話聽日個客人又係住呢度,又會咁岩嘅😁
  
Riad Lune et Soleil以強烈嘅懷舊復古風佈置,周圍掛滿咗好多古物,有舊相、舊手槍、摩洛哥特色衫。庭園仲養咗隻PR烏龜。
 
環境好有心思佈置,可惜係沖涼時熱水唔夠,而且水力好弱。過百年嘅舊樓翻修,有D野真係要體諒下😅
係摩洛哥無同Riad預訂晚餐係乜都無得食嫁!我地唯有跟佢地去介紹果間Restaurant Amira解決。
Google map評分都有5.0,食物質素都OK。比較有趣係,我地點湯侍應話無,但係隔離枱嘅外國人又有湯,我地都好奇自私下討論,覺得係摩洛哥都有遇到歧視。
 
最後,佢地送多2碗湯比我地,話廚師煮多咗😂