2019年3月12日星期二

與神一般的對手遊冰島@Day4-6 北邊

日期:8/3/2019-17/3/2019
行程:reykjavik>blue lagoon>city walk>1 day tour-horse riding* & golden circle afternoon>1day tour-snaefellsnes & kirkjufell small group tour>3 day tour-mývatn, akureyri & north iceland tour>2 day tour-south coast - ice cave, skaftafell & jokulsarlon ice lagoon>reykjavik
Arctic Adventures 3days tour HKD4487.47
今日一早會離開Reykjavík嘅民宿,我哋善用最後食材煮埋今日嘅早餐,有超抵魚子醬配炒蛋、薯蓉、蕃茄仔&沙樂美,豐富過我平時食嘅😁
天濛光,又係時間出發等小巴黎接我哋啦!終於離開好臭硫磺味嘅住宿,應該話整個Reykjavík嘅水都帶有少少硫磺味。諗唔明點解D人一直講冰島水好靚好正好純,只怪我仲未遇到好水:P
第一站先去行 volcanic crater, Grábrók火山口,跟住去睇Hvítserkur舊石,話說我唔記得邊日自己去左咩地方,係上一編已經post錯咗今日先去嘅相。對我黎講似乎唔值得留腳毛,反而hea遊啤酒廠有驚喜!老闆係個好後生,又靚仔嘅年青有為嘅人。
今日行程hea hea下完結....除咗睇個靚仔...好似有少少浪費咗一日。為咗慳錢食更好西,KO埋帶黎嘅杯麵s做晚餐。
神一般的對手,一直緊貼住我哋嘅天靈蓋,無論我哋向北行定向南行,呢對手係咁遮住個天!你睇下,有少少極光透咗出嚟!如果無舊雲咪好囉.......唯有期待向南行會好天啦!
第2日嘅景點去咗一堆唔識讀又唔識串嘅冰島文地方名.......都係無乜震撼
 終於黎到好期待嘅Mývatn Nature Baths,有北邊blue lagoon之美名。
不過,D水有D凍......得30度.....係咁凍環境下,D水係唔夠熱。我真係頂唔住,浸唔到😅
 同團外國人係會浸,佢地有溫泉嘅國家唔多,我地就話可以去台灣、日本啫~~
無咩做,又係食下野。Mývatn飯堂同搶無分別,選擇唔多,而且方圓十萬里佢獨市,咁梗係貴到喊啦~親😘
呢餐晏晝只係得咁多咋,飲1碗湯都60幾蚊港幣,個包都20幾蚊💆
又坐車又再訓.....
大風到吹陏成個人嘅神之瀑布
 黎到呢個tour嘅第3日行程,我覺得迷網之餘,仲有D悶。坐坐坐咗唔知幾耐車,黎到 Akureyri,成車人都讚成停車食杯雪糕。 
Brynja係網上都幾多人熱推話好食,冰島必食!食咗一啖,哇出黎!唔係啊嘛?真係............咁好食咩?Bogger們你地收咗幾錢賣廣告?係一個國家中伏咗最多次,只能數冰島😒
 難食到.....我只能比喻為香精butter cream雪糕配劣質朱古力!
 因為無乜人浸溫泉,行程比預期中早咗完結,黎到Akureyri時,餐廳仲未開門,大家咪周圍行下先囉。
唯一地標😂
晚餐都係我人生嘅高潮,如果食得好😁
裝潢好有feel不過不失,食物都OK,正常水平。又係時候訓覺....咩事.....極光呢?唔係黎影相咩?同行朋友講咗句影唔到極光不如唔好黎!咁我話睇唔到係咪無frd做?因為係我哋安排,而家我哋與無雲嘅天氣反方向走。北歐天氣真係會引起不安情緒😂😂
 第3日一早行程去睇鯨魚&鈎鱈魚,流住2行鼻水係船坐咗2個鐘,都叫睇到下鯨魚尾輕輕拍下水,吸下氣.......衰衰地又鈎到幾條魚。咁就完結啦!返碼頭即燒鱈魚食。
呢2日嘅午餐都係食得hea hea地,路經荒山野嶺嘅油站入邊唯一嘅餐廳hea醫肚。冰島羊腸熱狗唔知點解咁出名,聽說佢個汁係關鍵,睇落間間D汁都係呢D ,味道不過不失。
司機為補償大家琴日浸唔到"溫"泉,今日帶我地黎2017年落成嘅Krauma溫泉。設施和外觀都好新淨,服務都好好,外地遊客比其他溫泉都少好多。
佢地間餐廳好有feel,價錢合理。飲返杯mocha,坐下睇下風景都幾嘆。
網上資訊話冰島最大嘅溫泉Deildartunguhver(德爾達圖赫菲)係Krauma溫泉前邊,我哋見到D噴曬煙嘅地方。原本水溫高達100°C,池水引用來自OK冰川嘅冷水降低溫度至40度。把冰川融水和天然地熱水兩者混合,所以水內含有豐富的礦物質。
完結3日北邊團,返到市中心搵咗間trip advisor評分唔錯嘅餐廳Ostabúðin。之後見google map顯示永不營業,唔知係咪執咗呢?佢地嘅鹽醃鱈魚&羊肉做得好出!
每晚都出去追下星追下極光,都無乜收獲😭😭

2019年3月11日星期一

與神一般的對手遊冰島@Day3 教會山 snaefellsnes & kirkjufell 1 day tour

日期:8/3/2019-17/3/2019
行程:reykjavik>blue lagoon>city walk>1 day tour-horse riding* & golden circle afternoon>1day tour-snaefellsnes & kirkjufell small group tour>3 day tour-mývatn, akureyri & north iceland tour>2 day tour-south coast - ice cave, skaftafell & jokulsarlon ice lagoon>reykjavik
Arctic Adventures Day Tour HKD801.4

對於斯奈山半島,只有一個目的地好想,就係Mt. Kirkjufell 教會山,喺網上又見到有人叫佢做草帽山。唔知點解令我聯想起路飛😆

早餐食返琴日嘅午餐,預備去騎馬食,點知有簡單嘅buffet提供,我地又慳返次早餐錢。
無選擇自駕遊,能去到嘅景點少好多,每日坐幾個鐘車可能只睇到1-2個我地好想睇嘅view。跟tour每個point停留時間由30min至2min左右,真係唔多夠皮😓
大約一個鐘車程由市中心已經到草帽山,估都估唔到,佢只係路邊一個景點,超級易去!
司機帶我地去無幾遠之外嘅小鎮食午餐,話呢度食嘅炸雪魚好味。
係冰島市區外要搵食一D都唔容易,搵到有餐廳都會較貴。所以自備定三文治。另外叫咗炸鱈魚薯條、龍蝦湯。
食飽飽仲有好多時間比我地行一圈呢個小鎮,咁岩見到冰島嘅足球場有一班學生練習,諗起新聞講過佢地2018年爆冷首次踢入世界盃。佢哋嘅隊員都係由各行各業組成,而唔係職業球員。係配套及職餘情況下都可以係6年間由131幾位跳升到22位。我真係好欣想佢地嘅意志&熱血!
斯奈山半島沿途風景都好靚,分分鐘比特登去睇一舊石嘅景點仲靚。
係路況有D欠佳底下坐左成粒鐘,黎睇呢舊石....................咋😅
Djúpalónssandur Black Sand Beach,除咗好大風好大浪,呢度有嘅係1948年3月13日被呢度瘋狂嘅巨浪擊沉嘅嘅英國拖網漁船The Epine GY7嘅殘骸。
藍、白、啡、黑......我已經開始迷失,唔知自己係邊.......我哋開始討論北歐自殺率高嘅問題......係!我有D鬱結😰