日期：8/3/2019-17/3/2019
行程：reykjavik>blue lagoon>city walk>1 day tour-horse riding* & golden circle afternoon>1day tour-snaefellsnes & kirkjufell small group tour>3 day tour-mývatn, akureyri & north iceland tour>2 day tour-south coast - ice cave, skaftafell & jokulsarlon ice lagoon>reykjavik
Gray Line Iceland - Day Tour HKD1,316.5
係冰島嘅第一餐早餐，梗係要試網上熱推Braud & Co肉桂捲加一杯玫瑰花汨普洱茶。肉桂捲好香甜，質地比較實，超級飽肚！
今次旅程分別join咗幾間唔同嘅local tour玩冰島，咁樣似乎玩嘅點最多，價錢最平。第一個tour我哋join咗grayline iceland嘅1日遊，horse riding & golden circle。早上9點係bus stop no.2等小巴接我地，一路向北行大約1個鐘，到馬場騎冰島獨有嘅馬仔。
出發前，每人會派一件夾棉連身衫+頭盔比大家。我仲諗係咪要著曬羽絨再著埋呢件夾棉連身衫咁誇張？睇下我著到成隻糉咁，咪以為會好熱！個半鐘嘅戶外騎馬吹到我D鼻水係咁流。年輕嘅領隊妹妹仲話，今日係好好天氣，有太陽無乜風。話呢度天氣一般都係好大風嫁，oh my god😨
同一時間，分別有幾個團黎到呢個馬場玩半日騎馬活動。大家分配咗馬仔跟領隊行唔同路線後，真係鬼影到無。
冰島馬細小如矮種馬，但一般品種登記都將牠們分類為馬。冰島馬的發育遲緩，但長壽及耐苦。係冰島，牠們只會患上很少類的疾病，因為冰島禁止馬匹入口及接收已出口的馬匹。
冰島馬的祖先是於9-10世紀被維京人帶到冰島的矮種馬，在冰島文獻及歷史紀錄上均有提及冰島馬，最早可以追溯至12世紀。在北歐神話中，馬是受到尊崇的。多個世紀來的選種培育將冰島馬發展成現今的模樣，而在冰島嚴寒的氣候下的自然選擇也有着重要的影響。於1780年代，火山爆發差不多將所有冰島馬消滅。
騎馬行完一圈，我地凍到手腳僵硬、面鼻耳咀都無乜知覺，當領隊妹妹話比我地聽有熱湯、午餐buffet準備咗比大家，真係開心到震！因為報團時我地完全唔知包午餐😍
簡單嘅熱湯+芝士火腿三文治+沙律任食，原來可以令人咁回味、珍惜、滿足。
緊接住下午嘅行程去golden circle，第一個景點睇非常有名嘅Geysir geothermal area 蓋錫爾與斯特羅柯間歇泉。
當中嘅Strokkur間歇泉最多人圍觀，大約5-10分鐘噴發一次。岩岩行到嘅我哋，比大風吹噴出黎嘅熱水搞到成身濕曬，同其他圍觀嘅人一齊走避。情況都幾搞笑，之後成個旅程我哋都係咁走避啲浪、水、大風😜
有D似紐西蘭嘅地熱公園Wai-O-
下午第二個景點去Gullfoss waterfall 古佛斯瀑布，又有叫黃金瀑布，有非官方統計最多人到訪嘅瀑布之一，而golden circle都因佢而命名。
天氣好嘅時候，好容易睇到雙彩虹出現。
睇落今日都幾好天，不過風勢一D都唔弱！吹到個頭失控，相機濕曬。但係真正嘅冰島風，原來我地仲未見識到！
尾站Þingvellir National Park 辛格韋德利-歐美版塊分裂。um.....嚟到時感覺唔值得睇，行入去只有一刻覺得震撼，但係了解咗呢度生成嘅原因，唔嚟會後悔上少咗一課重要嘅地理堂。
辛格韋德利國家公園位處於地殼北美版塊（North American Plates）和歐亞版塊（Eurasian Plates）嘅接合位置，地質學上美洲與歐洲嘅真正邊界。兩大版塊由呢度開始每年以 2.5 cm嘅速度分離。版塊裂縫又係地殼活動最頻繁地方，此以冰島經常發生地震和火山爆發，充滿能量嘅地殼活動為冰島帶嚟天然嘅地熱發電。
世上最早嘅國會會議係公元 930 年嘅辛格韋德利國家公園召開，Þingvellir 有議會場地嘅意思。冰島露天議會每年舉行一次，維時兩星期，由島民直接參與。1271 年冰島被挪威吞併，因而不再有國會會議，但露天議會仍扮演著法院嘅角色並一直延續到公元 1798 年。呢段歷史令辛格韋德利國家公園成為世界遺產嘅原因。
完結今日day tour返到市區已經黃昏，我地爭取仲有少少日光黎同冰島地標-哈爾格林姆教堂影張相😜
沿途經過好多手信店、餐廳，當然要入去睇下！行下行下發現冰島都幾多好嘢食，絕對唔止得熱狗、羊湯、肉桂卷咁小兒科！
冰島天然資源唔多，可能係咁令到呢度嘅人好用心設計，一頂帽或一個袋都做得好靚！只可惜羊毛帽太"吉"手。
晚餐食埋有剩嘅材料，聽晚要出去食好西😁
話說今晚仲未睇到極光lor😟
沒有留言:
發佈留言